~~~~ 一場夢 ~~~~

好耐冇update 喇!!

事關經過一連串嘅打針, 抽卵, 放胎..... 最終傳說中嘅兩條線係冇出現過

所以第一round嘅ivf 宣佈失敗!!!

雖然M小姐未出現但係我諗佢一兩日內會出現呱!

今次抽得6粒卵, 有4粒fertilsed, 不過放咗兩個day5胎, 其如兩個唔够班,冇得雪.

抽完卵燒咗兩日, 放完胎兩日應該著床嗰日發冷同輕微M痛, 不過嗰晚唔知做乜野係咁咳

又心口痛, 應該氣管收窄咗

諗住試吓燉橙

係可以止咳嘅!!

好多謝朋友仔(CWY)陪我過呢兩星期, 同我Share你嘅experience!!

尋日見唔到嗰條線真係唔好過, 多得你開解我, 真係好多謝你! (希望你願望成真)

仲要返工, 成日都眼濕濕, 想大喊一場都唔得

仲要返工比人插, 到眼淚真係流落黎嗰刻,

老細仲以為佢整喊我!!(唉, 我冇解釋,由得佢想點諗就點諗啦)

我因為冇假, 諗住7月先ivf再黎過

月尾返香港兩星期玩

可能咁嘅結果都係好事!!

老翻Starbucks 珍珠奶茶

唉! 人在外國, 想飲杯珍珠奶茶好似好難咁!!

咁為有自己變杯出黎啦!

DA DA!!!! 

 

~~老翻Starbucks 珍珠奶茶~~

中秋節快樂！！

喺英國真係一啲氣氛都冇，

咁為有自己攪到有少少，

 

好過冇啦。今年懶冇整月餅食，

只係整咗比寶貝食，

不過都會煮返餐做節飯嘅！

呢樣係唔懶得嘅（我個人應為）

等等等。。。

3年前做完朱古力瘤手術嗰刻，

醫生話生b最好喺手術後12個月內會最成功，

咁我哋快快手攪結婚諗住最快時間可以有BB。。。

 可惜結咗婚就黎3年，都係未有好消息呢！！

連奶奶都開始話我哋呃佢，結咗婚咁耐都未有孫抱。

去睇醫生，英國要照哂所有野先至refer你去ivf, 

因為我上次手術後冇再照過，咁醫生話不如今次照吓腹腔鏡睇吓入面咩情況。

攪咗一輪，終於排到7月照，

照完話入面好痴，不過冇瘤，所以可能咁樣咁耐都未有BB。

唉不過6星期後再照陰超又話有瘤，

又再6星期後再照。終於兩星期前照完話個瘤細咗喇得2cm...點解會咁架?

幾日前，排ivf終於到我喇，見咗醫生，

佢話應該可能趕得切10月個cycle,要打10-14日針。

等我可以12月返香港前有好消息。

北上- Milton Keynes

過去嘅weekend 忙忙忙

又係返MK, 因為姑仔要去旅行, 所以奶奶就提前做節慶中秋喇!!

嗰晚好好餸

估都估唔到碟檸檬雞竟然係姑仔嘅老外男朋友F先生出馬架!!

食完飯飯梗係傾傾傾, 食吓月餅同甜品!

攪掂

嘩卡卡卡!!!

終於都攪掂咗個Blog喇

雖然我唔係成日寫blog, 都係得嗰50個post

但係用Copy+Paste 搬blog唔係辦法

呢個就係blogger優勝嘅地方

可以比你import yahoo blog 入黎

10 分鐘攪掂, 得咗

從新出發!!!

因為某啲原因

停咗寫blog 一段時間

本來都冇諗住再寫返

直至見到Yahoo blog 要byebye嘅時候

個個都努力搬blog

好!!! 我返來喇!!!

我又搬埋一份

8個月大嘅Kiwi曳曳史

Hello!!! 好耐冇見

我大個女喇，上個月先第一次in heat,

真係好唔舒服, 所以媽媽話遲啲帶我去見醫生叔叔喎...

因為呢我嗰排好曳曳,

要我爆自己啲曳曳史, 如果唔係冇飯食(其實係我大食要減肥)...

好爆邊件事先呢?

就咁嘅, 嗰日呢爸爸媽媽喺樓下食緊晚飯, 而我因成`為未學識尿尿, 所以家姐就陪我喺房

跟住悶悶哋, 見到媽媽個手袋, 我就諗住好乖咁幫媽媽拎曬啲野出黎, 點知手拎到媽媽個銀包，我聞到口呢灰色野好香牛牛味, 咬幾啖, 又幾好咬喎

睇吓我咬架, 好好味道!

唉.... 爸爸見到嘅下場係點我唔講, 你哋估吓?



我除咗鍾意食牆之外, 仲鍾意咬門門, 不過唔好問點解, 我自己都唔知

最好玩都係呢個----------- 玩紙巾

好好玩架, 跳上牀攞, 再喺地下玩... 開心開心!!

所以牀要欄住.....

呢個又係我嘅杰作，張床靚幾多? 鬼叫佢哋掛住返工唔理我呀!!! HUM

煙肉粒粒炒芽菜

呢個餸想寫好耐, 不過都懶到而加先Blog

平炒芽菜通常都係炒魷魚,炒三絲呀咁

未試過炒煙肉

因為呢, 上次Blog聚出咗London,

行咗轉Borough Market

朋友仔帶我去食個好味帶子

見佢炒到啲芽菜咁香

等我又試吓照版煮碗, 睇吓得唔得先

連K生都話要encore

咁姐係.........

得咗

首先將啲煙肉用攪拌機攪碎

用兩片薑炒香啲冬菇

再落碎煙肉炒至燶燶地

落芽菜同調味(因應煙肉咸度而調味, 小心過咸)

__________________________________________________________________________________________

同場加影,KoKo 當晚嘅晚餐, 不過佢好似食哂啲魚魚, 其他全部唔食

激死!!!

************************************************************************************************************************************

可愛嘅三隻小狗們

2013 敗家第一激

嘩嘩嘩........... 想買好耐嘅Stand Mixer 終於都買到手喇!

成日見到週圍賣緊成300幾鎊

唔捨得買, 本來見到Argos 減價170鎊

想買都買唔到, 全英冇一間分店有貨, 成日都係咁, 冇貨都唔知show 出黎做乜

攪到人哋一場歡喜一場空

好在我喺Debenhams見到同一個model賣150鎊

仲唔即買咩

點知, 死人Debenhams突然cancel 人哋個order

打去問又話100% Sure in stock 唔知點解個order cancel咗
 
叫我哋再order過.... 比佢激死, 次次都係咁, order 咗又話冇貨要cancel

喺Debenhams online 買野幾次除咗今次之外, 次次都買唔到

好啦, 買到喇, K send 咗返公司, 不過落大雪冇返工, 又攞唔到返屋企

終於都攪掂搵咗個位放佢

即晚攞佢黎整蛋撻

10分鐘攪掂哂個皮, 不過我已經冇力整

個皮雪咗幾日先整蛋撻

------------------------------------------------------------------------------------------------------------------------------------------------------------------
今日喺Blog 友仔Maggie 個FB 見到, 好似又真係幾準咁喎.

我係獅子座, K 係天蠍座

十二星座誰說的命令不服也得照做？

白羊（射手的話）、
金牛（獅子的話）、
雙子（雙魚的話）、
巨蟹（雙子的話）、
獅子（天蠍的話）、
處女（魔羯的話）、
天秤（巨蟹的話）、
天蠍（水瓶的話）、
射手（處女的話）、
魔羯（白羊的話）、
水瓶（金牛的話）、
雙魚（天秤的話）


唔知有冇人玩完都覺得準呢?

2013 第一場雪

仲以為冬天話咁快就講Bye Bye

竟然踏入2013年

終於都落得出場大雪

大雪到出唔到車返唔到工

同咗KoKo Kiwi 出去玩雪

一放Kiwi 落地, 佢就凍到係咁震

Kiwi: 媽媽, 我好凍呀, 你影完味呀?

Kiwi: 擺個靚Post 比你影完我哋屋企啦!!

KoKo: 邊度可以比我去厠所呢? mmmmmm.... Patpat 會好凍凍喎...

KoKo: 不如我哋返屋企先去啦.......

放咗繩, KoKo 係咁走, 完全唔理我哋, 叫極都唔理, 想快啲返屋企

今年聰明, 同佢哋著返件衫仔, 如果唔係就好似上年咁變咗隻雪狗........

K''s 家新成員 - 西施狗 Kiwi

Wahhhhhhh...... 成幾個月冇寫blog...

一黎自己懶, 二黎要照顧新成員西施狗BB- Kiwi

佢因為太細個, 買佢返黎嘅時候得6個星期,

邊度去厠所都唔知, 又成日肚疴

因為佢肚仔生咗條15cm 嘅蟲蟲...

總之就好鬼死忙啦!!!

仲有KoKo 見得少狗狗, 所以Kiwi 初初返黎, KoKo 好驚, 不過經過成個月嘅相處

終於都可以間唔中一齊玩, (只係間唔中).....

KoKo : 呢隻奇怪野幾時走?

KoKo: 奇怪野仲未走? 我冇眼睇.......... 你哋應該搵唔到我喇!!! 好安全, 睇唔到當走咗!!!