北上- Milton Keynes

過去嘅weekend 忙忙忙

又係返MK, 因為姑仔要去旅行, 所以奶奶就提前做節慶中秋喇!!

嗰晚好好餸

估都估唔到碟檸檬雞竟然係姑仔嘅老外男朋友F先生出馬架!!

食完飯飯梗係傾傾傾, 食吓月餅同甜品!

2013 敗家第一激

嘩嘩嘩........... 想買好耐嘅Stand Mixer 終於都買到手喇!

成日見到週圍賣緊成300幾鎊

唔捨得買, 本來見到Argos 減價170鎊

想買都買唔到, 全英冇一間分店有貨, 成日都係咁, 冇貨都唔知show 出黎做乜

攪到人哋一場歡喜一場空

好在我喺Debenhams見到同一個model賣150鎊

仲唔即買咩

點知, 死人Debenhams突然cancel 人哋個order

打去問又話100% Sure in stock 唔知點解個order cancel咗
 
叫我哋再order過.... 比佢激死, 次次都係咁, order 咗又話冇貨要cancel

喺Debenhams online 買野幾次除咗今次之外, 次次都買唔到

好啦, 買到喇, K send 咗返公司, 不過落大雪冇返工, 又攞唔到返屋企

終於都攪掂搵咗個位放佢

即晚攞佢黎整蛋撻

10分鐘攪掂哂個皮, 不過我已經冇力整

個皮雪咗幾日先整蛋撻

------------------------------------------------------------------------------------------------------------------------------------------------------------------
今日喺Blog 友仔Maggie 個FB 見到, 好似又真係幾準咁喎.

我係獅子座, K 係天蠍座

十二星座誰說的命令不服也得照做？

白羊（射手的話）、
金牛（獅子的話）、
雙子（雙魚的話）、
巨蟹（雙子的話）、
獅子（天蠍的話）、
處女（魔羯的話）、
天秤（巨蟹的話）、
天蠍（水瓶的話）、
射手（處女的話）、
魔羯（白羊的話）、
水瓶（金牛的話）、
雙魚（天秤的話）


唔知有冇人玩完都覺得準呢?

2013 第一場雪

仲以為冬天話咁快就講Bye Bye

竟然踏入2013年

終於都落得出場大雪

大雪到出唔到車返唔到工

同咗KoKo Kiwi 出去玩雪

一放Kiwi 落地, 佢就凍到係咁震

Kiwi: 媽媽, 我好凍呀, 你影完味呀?

Kiwi: 擺個靚Post 比你影完我哋屋企啦!!

KoKo: 邊度可以比我去厠所呢? mmmmmm.... Patpat 會好凍凍喎...

KoKo: 不如我哋返屋企先去啦.......

放咗繩, KoKo 係咁走, 完全唔理我哋, 叫極都唔理, 想快啲返屋企

今年聰明, 同佢哋著返件衫仔, 如果唔係就好似上年咁變咗隻雪狗........

Happy 2010!!!! 結婚兩週年!!!

話咁快又過咗兩年了

10月20日- 嗰日我哋出咗London Shopping

我哋早少少出去食個好味Lunch

食日本野.... Yummy

啲Service又好, 又好好味

呢份係我嘅, 乜都有啲

因為K唔食Sushi, 所以佢嗰份有個甜品

佢呢份好抵£12.50揸...

捉咗K去Harrods , 試咗Osim 個Foot Massager

呵呵, 佢竟然都話舒服喎!!!

-----------------------------------------------------------------------------------------------------------------------------------------------------------------------

琴日放工, 又走咗去TK MAXX shopping

今次又汁到旬野

把孖人牌中國菜刀£20

即買啦!!

 

跟住見到把ceramic 刀

~~~每月Blog 聚~~~

又係每月一次嘅Blog 聚

今次咁啱係喺中秋前一日

因為上次喺Bluewater 食唔到Haagen Dazs 雪糕火鍋

所以今次嘅首要任務係去食Haagen Dazs

約咗Samwei 同 Maggie 喺Leicester Square Haagen Dazs 等.

不過咁難得老公放人, 我約咗blog友仔涼粉子早啲出倫敦食個yummy lunch 先....

再行咗一陣就一 齊meet up 其他人食雪糕.

食完再去Harrods Shop Shop Shop.... 咩都冇買. 不過試完個Osim Uphoria Foot Massager 之後就一直掛住佢......

真係好舒服噢!!!!!!!!!!!!!

我見今年終於買咗月餅模, 又係中秋, 諗住可以整啲月餅送比Blogger 們, 可惜個月餅好難食, 唔好意思送啲咁難食嘅月餅比人

其實, 個樣幾靚, 係啲蓮蓉唔好食(鬼叫自己唔喺香港住咩)....

啍!!! 人嘅月餅唔好食, 咁整個狗狗月餅比KoKo應吓節先

整開咁梗係整埋比涼粉子隻狗狗為食卡卡啦

今次用咗薯蓉, 豬肉同紅蘿蔔, 再搽啲牛油等佢甩模甩得易啲

卡卡同KoKo都好鍾意食

點知可能卡卡對牛油敏感, 食咗肚仔唔舒服(卡卡你肚仔好返未呀, 最多下次唔用牛油啦)

返咗黎............. 成個月

返咗香港工幹2星期

返咗黎都有3個星期, 不過好鬼死忙

終於有啲時間寫吓blog

上個星期同KoKo 去剪毛

因為佢啲毛一舊舊

所以同佢剃短佢

由咁樣........

變咗咁樣

而加買咗個狗狗香薰

已經冇肥痾,等我仲同佢睇醫生

原來佢只係太stress

激死!!!!!

冇事就好喇!!!!

--------------------------------------------------------------------------------------------------------------------------------------------------------

呢排好唔知點解買咗好多對鞋

香港買咗5 對

返到黎見到ugg 減價

Lalalalalalalalallala..................

Strawberry Picking & Lavender Field

都成一個月前嘅事了
老爺奶奶過咗黎住幾日
咁就同佢地去摘士多啤啤...

嗰日天陰陰, 好采摘完先落雨

之後嗰日就帶咗佢哋去睇 lavender

喺croydon 附近有個lavender field 好靚,

又唔洗入場費

不過嗰時天氣差, 啲花未開曬

--------------------------------------------------------------------------------------------------------------------------------------------------------------------------------

upload 相幾時先work架????

攪咩呀!!

blog想出好耐, 不過死人yahoo, Upload 唔倒相, 激死人喇!!

想點呀!!

3 個星期喇! 成日都話 server not responding!!!!

新車車

Hello GTI....

係.... KK 架車終於都攞咗返黎喇!!

我都未揸過, 不過我驚炒咗佢架車, 我唔知點算(佢仲要話佢係german wife) aiiiiiiiiiiii, 我比人燉冬菇喇!!!!!!

Eason Concert @ The O2

Wakakakakakakk! 等到變咗長頸鹿喇!!! 終於等到!!! EASON'S Concert @ The O2
雖然有D Blogger 都有去, 不過都係冇緣見到, 為有下次啦!

個O2 Lounge 又幾靚喎, 坐咗陣, 過咗去Sky Lounge 睇

Sky Lounge 大好多, 又靚好多...

因為又係 O2 同Sky Customer, 所以兩個Lounge 都去哂

估唔到個場咁大, 個Stage 係咁細嘅!!!!

美中不足嘅係開場後係唔可以影相, 上次Royal Albert Hall 都得, 所以下面D相係偷影嘅!!

唔知下次又會係邊個呢?